قصة القبيح والجميلة (( ضاع حبي ))

مدير عدد الرسائل : 1761 تاريخ التسجيل : 14/11/2007

اهلييين وسهليين
السلام عليكم ورحمة الله وبركاته

هذا الجزء الثاني

من قصة
(ضاع حبي)القبيح والجميلة

وفي يوم فتحت منال المنتدى, شافت عندها رسالة من عضو مسمي نفسه
القبيح

الرسالة:
السلام عليكم
أنا من المتابعين لمواضيعك وتعجبني ردودك.. وعندي مشكله حاب أعرضها عليك وأبيك تساعديني فيها ممكن؟

ردت عليه منال..

سلام ورحمة الله ...
أيوه على الرحب والسعه.. بس عندي سؤال ليش أخترتني أنا
بالذات من ضمن كل الأعضاء والعضوات بالمنتدى؟!.. ما أشوف فيني زود إلي
تقول تعجبك ردودي ومواضيعي..
بالعكس عندك العضوة جوري.. و فلان وعلانه أحسن مني.. والشباب ما بيقصرون معاك..
وعندي لك رأي أفضل.. لو تكتب مشكلتك بالمنتدى وكلنا نبحث لها عن حل يكون أفضل.. تختار الحل إلي يناسبك..
يمكن ما يعجبك الحل إلي بعطيك إياه..
وما قلت لي شنو نوع مشكلتك؟
شخصيه ولا إجتماعية ولا دينيه؟.. صحيح ما في فرق كبير كلها أمور مرتبطه ببعض ومتداخله.. بس حابه أعرف..
مع تحياتي لك....

.. وفي شي تضايقت منه منال.. هو أسم هذا الشخص .
الله يهديه مسمي نفسه القبيح؟!.. قلت الأسامي.. أستغفر الله شهل أسم..

شكله واحد يتمسخر إلي مسجل بهذا الأسم..

وقالت في نفسها:
أبي أرسله رسالة ثانيه وأقول له يغير أسمه
رب العالمين خلقه بأحسن خلقه ومسمي نفسه القبيح
حتى لو كان قبيح فعلاً مايحق له يقول عن نفسه كذا..
والقبيح في أغلب الأحيان حتى لو كان قبيح ما يطلق على نفسه هاذي الألقاب..
إلا إذا كان متأثر أو حالته النفسية زفت..
والله غريبين بعض إلي يسجلون بالمنتديات...

منال ما حبت تتدخل....قالت خل أشوف شسالفته وشنهي مشكلته..
يمكن مسجل بالمنتدى زينه بدون ما يشارك...يا ترى بيبقى معانا ولا لا
((من أسلوبه بعرف وبحكم عليه هو من أي نوع))

وجلست منال تنتظر منه رسالة لحد ما وصلها رده

أدخلتي السرور على نفسي المعذبه والحزينه
أنا سبق وعرضت مشكلتي بمنتديات أخرى... وأنقلب موضوعي إلى ضحك ومهزله
ومليت يوم أشوف نفس الحكاية تتكرر بكل المنتديات..
الكل يفكرني شخص عابث ويبي يتسلى.. ما في أحد خذ مشكلتي على محمل الجد
أما السبب إلي خلاني اختارج أنتي بالذات فهذا شي لا أملك الإجابة عليه الآن

تعجبت منال من كلامه وصارت تفكر..
بالله شنو هاذي المشكله إلي يقول حطها في المنتديات وصاروا
يتطنزون عليه ويتمسخرون؟؟... أنا للحين ما عرفت شنهي مشكلته عشان أحكم
عليه..
والله خايفه يكون من الشباب اللعابين.. ومسوي نفسه مسكين ويكسر الخاطر
عشان أشفق عليه وأكلمه... لالا مو علي أنا
بس جد الفضول سيطر علي.. بتعامل وبرد عليه بحذر..

وردت عليه منال:

هلا بك مره أخرى.. شرفت ونورت منتدانا..
أسمعني يالـ .... الصراحة ما احب أقول أسمك (القبيح) لأنه فعلاً اسم قبيح وما يعجبني..
الله خلقك بأحسن صورة تسمي نفسك كذا؟.. حتى لو كنت قبيح ما يحقلك..

بسميك محمد..
أسمعني اخوي أنا للحين ما عرفت شسالفتك.. ممكن تعرضلي مشكلتك بالأول وبعد كذا أرد عليك وأشوف إذا في لها حل ولالا

ثاني شي أنت جرب حطها بمنتديانا.. منتدانا غير..

وصلها الرد بسرعة لأنه كان موجود بالمنتدى

تصدقين أنك ما رحتي بعيد؟.. أنا أسمي حمد مو محمد
والسبب إلي خلاني أسجل باسم القبيح هو المشكلة إلي أعاني منها وطالب منك تساعديني عشان أحلها..
أنا ارتحت لك وأحسك بتفيديني كثير..
مستعدة تسمعيني أو لا؟؟؟

ردت عليه منال

والنعم عاشت الأسامي
اقول حمد.. أنت تقول أنك أرتحت لي.. أنا الصراحه ما ارتحت لك
وخايفه منك.. لأني استوحش من الكلام مع الرجال وأخاف..
حتى لو كان في النت و المنتدى

مدير عدد الرسائل : 1761 تاريخ التسجيل : 14/11/2007

شكرا على مرور

» رد: قصة القبيح والجميلة (( ضاع حبي ))
» قصة القبيح والجميلة (( ضاع حبي ))